माथी अटस्स जून,
थोरै तल बादल,
बादलले डाँडा चुमेको,
डाँडाको खोचमा,
झरना,
झरनाको चिसो पानी,
आच्छुछु!
थोरै उता,
सानो घर,
खरको छानो,
बाहिर म,
कतै पर हेर्दैछु,
देख्नेले ठान्ला,
टोलाएछ !
झरनाको संगित,
अनौठो तरङ्ग दिदैछ !
क्षितिजबाट सुनौला किरणहरु,
मेरो आँखा,
धमिल्याईरहेछन् !
झरना बांगो टिंगो बग्दैछ,
आहा! कस्तो संग्लो,
सेतो पानी!
हरियो बन,
लालीगुराँसको,
बासनामा,
लट्ठ छु म!
कतै,
मयूर जोडी,
समागमको धून,
दिदैछन् !
कतै,
डाँफे,
मुनाल,
अनि,
कोइली,
गीत सिक्दैछन !
म आनन्दित छु,
सायद,
नेपालीले भोग्ने दृश्य,
यत्ति हो,
भोग्दै छु !

Category: manasha
Tagged with: सायद

Copy & Share

नेपाल – नेपाली
https://bhupalsapkota.com/nepal-nepali/