सडकभन्दा अगाडि बिमानस्थल बनेको
र
मोटरभन्दा अगाडि जहाज चढ्ने नेपालीहरु बसेको
यो राजधानी ।

घरभन्दा बढी मन्दिर र मन्दिरभन्दा बढी देवता
भन्ने सुनेको सही हो भन्ने मलाई परिरहेछ ।

राति झ्यालमा टाढा कतै
बहालबाट आइरहेको मधुर भजन
एकोहोरो सुनिन्छ ।
कुनै गतिविधि छैन ।
सहरको कुनै आवाज छैन ।

रातभरि भजन भइरहेको
र
तेलको दियो बलिरहेको शान्त मन्दिर
आएर बसेजस्तै भईरहेछ ।

देउताका रुपमा
मैले त्यही हिमाली चुचुरो देखेको छु ।

माथी हिमाल छ 
र तल
तेलको दियोको प्रकाशमा मन्दिरवरपर
भजन गाइरहेका मान्छेहरु छन् ।

[ पल्पसा क्याफे 7 ]

Category: manasha
Tagged with: काठमाण्डौं • पल्पसा क्याफे

Copy & Share

पुरानो काठमाण्डौं
https://bhupalsapkota.com/purano-kathmandu/