मान्छे,
जिन्दगीमा,
जम्मा दुइटा अवस्थामा,
हुन्छ |

समस्या पर्दा,
दुखी हुँदा,
लाग्छ,
आफू मात्र हो,
जो समस्यामा छ |

कसैलाई किन,
वास्ता होस् ?
जब सबै आ-आफ्नै,
ध्याउन्नमा मस्त छन् !
सबैको आफ्नो चटारो !
आफ्नो कुरो आफुसंग हुन्छ |

त्यस्तो कोहि भेटिन्न जो,
आफूलाई बुझ्न सकोस |
आफ्नो समस्याको अरुलाई के अर्थ ?
दुनियालाई जथानाम,
गाली गर्न सकिन्छ,
कुर्लिन सकिन्छ !
सालाहरु |

समस्या नपर्दा,
खुसी हुँदा,
लाग्छ,
संसारमा,
समस्या भन्ने चिज पनी,
छ र?

मानौं,
एकछिनको लागी,
संसार आफ्नो,
सबै आफ्ना |
मिठो बोली,
हसिलो चेहरा |
मिठा कुरा |
बस् |
यो पो हो त,
जिन्दगी !

यी दुबै अवस्थामा,
आफ्नो बोली,
वचन,
व्यवहार,
अनी आफ्नोपन,
जसले,
निस्वार्थ प्रस्तुत गर्न सक्यो,  
जसले,
सहृदय आफूलाई समाल्न सक्यो,
जसले,
आफ्नो कर्तब्य बिर्सेन,
त्यो मान्छेलाई मेरो,
"सलाम साप !" , सुनाइदिनु |

मलाई,
त्यस्ता साहेब हरुसंग भेट्नु छ |
म केहि सिक्न चाहन्छु |

म,
जिन्दगी बाँचेको,
मजा लुट्न चाहने मान्छे !

Category: manasha
Tagged with: समस्या

Copy & Share

समस्या
https://bhupalsapkota.com/samasya/