Home
सम्झना
मलाई
आमाले पहिलोपटक
दुई हत्केलाले उठाएर
काखमा लिँदाको क्षण,
पहिलोपटक नुहाइदिएको,
आमाको पहिलो चुम्बन,
पहिलोपटक मनतातो
तेल लगाइदिएको क्षण,
आमाले खुवाएको पहिलो गाँस,
सुनेको र सिकेको पहिलो शब्द,
असिम मायाले
मेरो गालामा पारेको पहिलो प्याट्ट,
पहिलोपटक आफैले फेरेको कोल्टे,
चार खुट्टाले हिँडेको अनि
दुई खुट्टाले आमाको हात समाएर
थैथै गर्दै हिँडेको
सम्झिन मन छ ।
Copy & Share
सम्झना
https://bhupalsapkota.com/samjhana/