Home
तिहार
यस्तो बत्ती जाँदा जाने
तिहार के तिहार ।
निबुवाको पातको
दुनोमा ज्योती बालेर
जिम गए जिम गए भन्दै
झिलिमिली पारेको तिहार
पो तिहार !
गाइको गोबरले लिपेको
आँगनमा बालखा हामिले
भट्टयाएको देउसिरे वाला तिहार
पो तिहार !
बजारिया भाइ मसलाका
पोका पारेको तिहार के तिहार
फिनि, चिनी, भेली रोटि
झिलिङ्गा, ताता ताता सेल
नरिवल, पान, सुपारी
किसमिसका पोका
कटुस, छोकडा र ओखरका भतेर
वाला तिहार पो तिहार !
Copy & Share
तिहार
https://bhupalsapkota.com/tihar/